პროფესიული განვითარების რეფლექსია

                          პროფესიული განვითარების რეფლექსია

      1986-87 სასწავლო წლიდან ვასწავლი ჩხოროწყუს მუნიციპალიტეტის სოფელ მუხურის საჯარო სკოლაში მათემატიკას.ამ წლების განმავლობაში სკოლაში შემხვედრია სხვა და სხვა აკადემიური მოსწრების მოსწავლეები .მათი საჭიროებიდან გამომდინარე მიმიმართავს არა ერთი აქტივობისთვის ,მაგრამ ზოგჯერ ხდება ისე ,რომ ეს აქტივობები არასაკმარისია სასურველ შედეგზე გასასვლელად .საჭირო იყო სასწავლო პროცესი მეტნაკლებად არასტანდარტული და კრეატიული ყოფილიყო .სასკოლო სახელმძღვანელოებში ერთ-ერთ უმნიშვნელოვანეს აქტივობას წარმოადგენს სასკოლო პროექტი.იმისათვის ,რომ განსახორციელებელი პროექტი მორგებული ყოფილიყო საჭირო კრიტერიუმებს ,საჭირო გახდა გამევლო ტრენინგი.ამ მიმართულებით ძალიან სასარგებლო ტრენინგი ჩაატარა მასწავლებელთა პროფესიული განვითარების ეროვნულმა ცენტრმა :   “ინფორმაციულ -საკომუნიკაციო ტექნოლოგიების გამოყენება სასწავლო პროცესში“,რომელიც გავიარე  2012  წლის 17 აპრილიდან 2 მაისის ჩათვლით.

აქტივობის დეტალური აღწერა

აღნიშნული ტრენინგ-კურსი მოიცავდა ოთხ მოდულს. კურსის სრული ხანგრძლივობა იყო ცამეტი სამსაათიანი ტრენინგი.
პირველი დღის პირველ სესიაზე ტრენინგის მონაწილეებმა გავიცანით ერთმანეთი. ტრენერმა გერმანე მალანიამ გაგვაცნო კურსის მიზანი, შედეგები, განრიგი, საორგანიზაციო საკითხები, მუშაობის ფორმები, სამუშაო წესები, მონაწილეთა შეფასების საკითხები.  ისაუბრა ისტ-ის ( ინფორმაციულ-საკომუნიკაციო ტექნოლოგიები) როლსა  და მიზნებზე სასწავლო პროცესში; სწავლება-სწავლის თანამედროვე მიდგომებსა და საინფორმაციო ტექნოლოგიებზე; მასწავლებლის კომპეტენციების სტანდარტზე  ინფორმაციულ-საკომუნიკაციო ტექნოლოგიებში; სასწავლო პროცესის ძირითადი ერთეულებისა და ინფორმაციულ-საკომუნიკაციო ტექნოლოგიების გამოყენებაზე.ჩაგვიტარა ლექცია PowerPoint პრეზენტაციის გამოყენებით, გაგვაცნო კურსის სილაბუსი. ტრენინგ-მოდულის ბოლოს შევავსეთ შეფასების კითხვარები.
მეორე მოდულის პირველ დღეს გავიხსენეთ წინა ტრენინგი და გავეცანით მოცემული ტრენინგის ამოცანებსა და შედეგებს, კერძოდ: გაკვეთილის ორგანიზების ძირითად საფეხურებს: დაგეგმვა, მომზადება, წარმართვა, შეფასება. აგრეთვე გაკვეთილის სამფაზიან მოდულს, გაკვეთილის დაგეგმვას და გეგმის ელექტრონული ვერსიის მომზადებას. ტრენინგ- დღის ბოლოს შევავსეთ შეფასების კითხვარები.
მეორე მოდულის მეორე დღეს გავაგრძელეთ ისტ-ის გამოყენება გაკვეთილის დაგეგმვის პროცესში, ვისწავლეთ გაკვეთილის დაგეგმვისა და ჩატარებისათვის საჭირო ინფორმაციის მოძიება ინტერნეტ ბრაუზერისა და საძიებო სისტემის საშუალებით. გავეცანით ტექნოლოგიებით გამდიდრებული გაკვეთილის დაგეგმვის ხერხებს. ტრენინგ-დღის ბოლოს შევავსეთ შეფასების კითხვარები.
მეორე მოდულის მესამე დღეს გავიხსენეთ წინა ტრენინგი და გავეცანით მოცემული ტრენინგ-დღის ამოცანებსა და შედეგებს, კერძოდ: დისკუსია: რატომ არის მნიშვნელოვანი ვიზუალური მასალის გამოყენება სწავლა-სწავლების  პროცესში? რა მახასიათებლები აქვს ეფექტიან ვიზუალურ მასალას; სასწავლო პრეზენტაციის მომზადება საპრეზენტაციო პროგრამაში; MS PP პროგრამა ტრენინგ-დღის ბოლოს შევავსეთ შეფასების კითხვარები.
მეორე მოდულის მეოთხე დღეს გავიხსენეთ წინა ტრენინგი და გავეცანით მოცემული ტრენინგ-დღის ამოცანებსა და შედეგებს, კერძოდ: მუშაობა მცირე ჯგუფებში: პრეზენტაციის მომზადება შერჩეულ თემაზე; პრეზენტაციის წარმართვა; მოვამზადეთ სამოდელო პრეზენტაცია და წარვუდგინეთ აუდიტორიას, რის შემდეგაც შევავსეთ შეფასების ბარათები.
მეორე მოდულის მეხუთე დღეს გავიხსენეთ წინა ტრენინგი და გავეცანით მოცემული ტრენინგ-დღის ამოცანებსა და შედეგებს, კერძოდ: ვირტუალური ლაბორატორია და ელექტრონული თამაშები; აუდიო და ვიდეო საშუალებების ეფექტიანი გამოყენება სასწავლო პროცესში; აუდიო და ვიდეოფაილების მოძიება და ჩამოტვირთვა.
მეორე მოდულის მეექვსე დღეს გავიხსენეთ წინა ტრენინგი და გავეცანით მოცემული ტრენინგ-დღის ამოცანებსა და შედეგებს, კერძოდ: ფიზიკური გარემოს მოწყობა, ტექნიკური აღჭურვილობის გამართვა, სასწავლო მასალის/რესურსების დამზადება, მცირე და მრავალკომპიუტერიანი კლასის მართვა, ელექტრონული რესურსების საცავი, Lemill-ის მიმოხილვა.
მეორე მოდულის მეხუთე დღეს გავიხსენეთ წინა ტრენინგი და გავეცანით მოცემული ტრენინგ-დღის ამოცანებსა და შედეგებს, კერძოდ: სწავლის შეფასება ( შეფასების ძირითადი პრინციპები და მეთოდები) გაკვეთილის შეფასება ( რუბრიკის დამზადება, პრეზენტაციები).

   სრული კურსის გავლის შემდეგ სხვა და სხვა კლასებში განვახორციელე რამოდენიმე პროექტი,შეძლებისდაგვარად დაგროვილი ცოდნა კოლეგებსაც გავუზიარე,რის შემდეგაც მასწავლებლებსაც გაუჩნდათ სურვილი გაევლოთ ეს ტრენინგი.

       პირადად მე ამ ტრენინგებმა მასწავლა სათანადოდ გამოვიყენო თანამედროვე ტექნოლოგიები  სრულყოფილი და საინტერესო გაკვეთილის დასაგეგმად  და ჩასატარებლად.სურვილი მაქვს კიდევ უფრო ავიმაღლო ჩემი პროფესიული დონე ასეთი ტრენინგების გავლით .